عبرت نامـه - پندیـات
✍ گلچین نغمـه های غم✍
مرحوم منزوی اردبیلی
ایـهاالناس گلین گردش دوورانـه باخین
قدرت مطلق خالق سبحانـه باخین
اویمایین فانی اولان کبکبیـه دَبدبیـه
چشم عبر‌تله گلین عالم امکانـه باخین
زرق و برقیکی گورورسوز بو فنا دهریده سیز
یئل اسن وقته گئدین شمع شبستانـه باخین
بیر سینیق کورپویـه بنز‌ر سویون اوستونده جهان
اوردا منزل ائلمز عاقل و فرزانـه باخین
باخمایین هرزه آغیزلاردا اولان لغلغیـه
انبیـاء صحبتینـه، دانلود نوحه سنسیز الورم یالان یالان سید پند حکیمانـه باخین
قویمایین خوار اویلا قرآنوزی انجیل کیمـین
توز باسیب گرچه سیلین، بیرده بو قرآنـه باخین
مسلمـینین سایی مـیلیـاردی گئچیب دنیـاده
ولی بو کثر‌تلن نسبت نقصانـه باخین
هامـی ادیـان آراسی بو دینی الله بَیَنیب
بیر گلین سیزده پسندیدۀ یزدانـه باخین
دئمـیین ملت اسلام عقب افتاده دیلر
ضعف اسلام دَگیل، ضعف مسلمانـه باخین
اجنبی تفرقه‌سی یئتمـیش ایکی فرقه ائدیب
اولدیلار بیر بیرینـه گور نئجه بیگانـه باخین
قلب اسلامـیدی مکه اوتوروب آمریکا
قل اعوذ اوخویون قلبده شیطانـه باخین
بو علی دشمنی باخ گور نئجه بی‌غیر‌تیمـیش
اَگلشیب مصدر دیوانیده دیوانـه باخین
ای مسلمانلار آلین اسلحه امداده گلین
شوروی قصد تجاوز ائده‌ن افغانـه باخین
شیعه‌لیک جوهری هر یئرده کی وار غیر‌ت وار
دورد ابرقدرتی رد ائیله‌دی لبنانـه باخین
انبیـاء مکتبی انسانـه سعادت یـارادار
خبث ابلیسی بیلین، حکمت لقمانـه باخین
آز بو بش گونلیک اولان نعمتی دورد اللی دوتون
سعی ائدین عالم اولون، عالم عرفانـه باخین
هر شب جمعه گئدین ساحت قبریستانـه
توپراق آلتیندا یـاتان سائل و سلطانـه باخین
عرض و طولینده بیر آز فکر ائیلیین قبرلرین
جُرم حبس ابده،تنگی زندانـه باخین
ناز بالیشده یـاتان گونلرینی فکر ائلیین
داشا پَر قو یئرینـه باش قویـان انسانـه باخین
بو همان شخصیدی قویمازدی قونا توز باشینا
توپراق آلتیندا یـاتیب گور نـه ذلیلانـه باخین
بو همان شخصیدی توپراقه ده قویمازدی قدم
باش قویوب ایندی او توپراقه فقیرانـه باخین
نـه سالیر یـادینـه اولادی نـه ده اقوامـی
هی سیزیلدیر بالالاریم، من نالانـه باخین
من اوستونده سیزی بسله مـیشم دنیـاده
قاباقیزدا آچیلان سفرۀ الوانـه باخین
سیزون اوستوزده یـالان قالمادی من خلقه دئدیم
سیزلره خاطر الیمد‌ن گئد‌ن ایمانـه باخین
یـالان آند ایچمـیشم ازبس کـه رسول اللهه
اودا کی دشمن اولوبدور من نادانـه باخین
آل وئریمده سپر ائتمـیشدیم ابوالفضل آدینی
اودا لطفینیب از بس، بو پریشانـه باخین
سیزه خاطر نـه ترازونی دوزه‌تتیم نـه داشی
کم ساتیب آرتیق آلان سفله مسلمانـه باخین
حضرت علی اصغر علیـه السلام
مرحوم صافی تبریزی
سن سیز علی روز و شب ذکریم اولوب وای اوغول
من سنـهلای دیوم یـا دیوم ای وای اوغول
اوچ گیجه گوندوز علی هر نـه دیدیم یـاتمادون
باشدا کی سو فکرینی باشدان اوغول آتمادون
ویرودیلر سو سنـه مقصدیوه چاتمادون
من سنـهلای دیوم یـا دیوم ای وای اوغول
دل یوخیدی حالیوی ایلیـه سن یـاخشی فاش
یـاندون اوغول آغلادون مـی ایتدون خراش
منده ئولیدیم سنی گورممـیش اولده کاش
من سنـهلای دیوم یـا دیوم ای وای اوغول
چون سنون اسکاتوی حرمله ایجاب ایدوب
هم سنی دلدن سالوب هم منی بی تاب ایدوب
اوز بوغازوندان آخان قانیله سیراب ایدوب
من سنـهلای دیوم یـا دیوم ای وای اوغول
دوتموسان الفت علی گوردیله یله
آچدیلا سوددن سنی زهریلی پیکانیله
قویدولا یـاخشی منی ناله و افغانیله
من سنـهلای دیوم یـا دیوم ای وای اوغول
گیتمز علی دن دیرناقیوون یرلری
حشره گلنده آنون تک بو یری گوستری
فاطمـه نی یـاندیری آغلادی پیغمبری
من سنـهلای دیوم یـا دیوم ای وای اوغول
بسکه سکینـه یـانور سن کیمـی قارداشینـه
خیردا اوشاقلار باخور آغلوری یـاشینـه
هی دولانولار اوغول بوش بشگون باشینـه
من سنـهلای دیوم یـا دیوم ای وای اوغول
گه سنی بوش امجگه سالدیم اوغول آغلادیم
گوردوم علی دوزموسن اللریوی باغلادیم
اکبر آناسی کیمـی منده جگر داغلادیم
من سنـهلای دیوم یـا دیوم ای وای اوغول
خیمـه لری سو دیوب هر نـه دولاندیم علی
اولمادی بیر کیمسه دن چاره دایـاندیم علی
گاه اوز احوالیمـه گه سنـه یـاندیم علی
من سنـهلای دیوم یـا دیوم ای وای اوغول
حالیمـی آنلار گورن دیده گریـانیمـی
سینمـه بیر اود دوشوب یـاندوریری جانیمـی
گرچه دیوب اوخشارام سن قوزی قربانیمـی
من سنـهلای دیوم یـا دیوم ای وای اوغول
گاه بو بوش دن عطرون آلیب آغلارام
گاه ایـاق دوتماقون یـاده سالوب آغلارام
اللری قوینوندا من گرچه قالوب آغلارام
من سنـهلای دیوم یـا دیوم ای وای اوغول
هر آنا اوز اوغلونی اوخشیوب آغلار یـانار
هر باجی قارداشینـه گرچه سیزیلدار یـانار
لیک رباب ایندیدن هر نـه قدر وار یـانار
من سنـهلای دیوم یـا دیوم ای وای اوغول
قالدی اوغول اودلانان قلبده نیسگیلریم
هانسی الیله منیم حل اولی مشکل لریم
داشـه دیسم بولمـیشم یـاندیری بو دللریم
من سنـهلای دیوم یـا دیوم ای وای اوغول
نـه یوزیله یثربه ای علی بیرده گیدیم
گورسم اگر سود امر بیر بالا بس من نیلئیم
هانسی زمانون سنون یـاده سالوب ذکر ایدیم
من سنـهلای دیوم یـا دیوم ای وای اوغول
من نجه سن سیز باخوم بیرده گوله گلشنـه
آغلامـیوم گلمـیوم صبح و مسا شیونـه
یـاخشی ملر قالمـیشام وای منـه ای وای منـه
من سنـهلای دیوم یـا دیوم ای وای اوغول
نیلر او ساعت آنان گر دوشـه بیر گون اله
سو ایچه سیراب اولا سود گله
ای سبب هجرت صبر دل و حوصله
من سنـهلای دیوم یـا دیوم ای وای اوغول
آغلامورام من سنـه آج و سوسوز اولموسن
سن اوغول اوخلانماقین لذتینـه گولموسن
قان آتاوا آغلورام سرین اوزون بولموسن
من سنـهلای دیوم یـا دیوم ای وای اوغول
آخشام اولی وقت اولی سود امره سود امر
سود امرین شوقونا لره سود گلر
هانسی آنا صبر ایدور اوخلانا گر سود امر
من سنـهلای دیوم یـا دیوم ای وای اوغول
صافی اگر ایسته سن فاطمـه دلشاد اولا
اصغر آناسی گرک ذکر اولونا یـاد اولا
بسدی اولونجه بو سوز موجب فریـاد اولا
من سنـهلای دیوم یـا دیوم ای وای اوغول
✍ گلچین نغمـه های غم✍
استمداد حضرت ابوالفضل ع
مرحوم استاد عابد خیـابانی
ای فیضیوه محتاج هامـی عالم و آدم
اقلیم محبّت سنـه تفویض و مسلّم
تشریفیوه اولموش هامـی اسباب فراهم
فرش ایلمـیشم اطلس گلرنگ، ترابه
تعجیلیله قوی پای فلک سیری رکابه
ماذون ایلدون اونداکی سو ایتماقا تحصیل
بو خدمت ابوالفضله اولوب مایـه ی تجلیل
اجرا ایتدی اودی چوخ شوقیله تعجیل
شاید کـه بو خدمتده اولا یـار سعادت
اجراسی ابوالفضله اولا مایـه ی عزّت
بولدوم کـه مماشاته دی شـه خاطری مایل
اولدوم سپهه رسم رساتیله مقابل
افسوس کـه درک ایلمدی فرقه ی باطل
دل آچدیلار اقوام اباطیله سراسر
گوردوم کـه اولار جنگیله مقصود مـیسّر
پوزدوم ایله بیر قدرتیله نظم سپاهی
دل چاتدی تمنّا بو یولدا کماهی
موّاج گورنده سویی چون ی ماهی
دل شوره گلوب چخدی اورک سوزشی یـاددان
هر سوزی آپاردی او سویون لرزشی یـاددان
فکر ایتدیم ایکی سس اوجالور عرشـه بو یرده
بیر ناله ی اصغر کـه گلوب نی کیمـی درده
بیرده سویون آهنگیدی کـه پرده بـه پرده
امواج فضانی بورویوب زیر و یمـیندن
گویـا کـه ایدور ناله بو قومـین ستمـیندن
ترکیب اولالی بو ایکی سس اوج فلکده
ناله ایدور ایجاد دل ماه و سمکده
نفرینـه مبدّل اولوری ذکر مَلَکده
لعن ایلوری شام اهلینـه سکّان سماوات
بو ظلم نظیرین گوره دنیـا گوزی هیـهات
بیر یـاندا آخور شوقاصغریلن آب
بیر یـاندا عطش خاطر اصغردن آلوب تاب
بیر یـاندا یـانار چوللری سو ایلوری سیراب
بیر یـاندا یـانان دللر اولوب قان سوسوزوندان
اولاد پیمبر ویروری جان سوسوزوندان
بو فکرلر اود سالدی ایله قلب نوانـه
تار اولدی جهان دیدمـه، دویدوم داخی جانـه
طوفان کیمـی ووردوم اوزیمـی آب روانـه
تسخیر ایلدیم سرعتیله آب فراتی
چون خضر گتوردوم اله اکسیر حیـاتی
آگهسن اوزون شدّت سوز عطشیمدن
نفسیله سو اوستونده اولان کشمکشیمدن
نفس اولدی زبون همّت بی غلّ و غشیمدن
امّا سویـا ال وورماقیمـی عفو ایله شاها
عفو ایله بو تقصیرییلمـیش اله شاها
آغلار گوزیله آینـه ی آب رواندا
گوردوم عطش آثاریجان جهاندا
یـاندی اورگیم نائره ی سوز نـهاندا
سولموش گوره لی نوگلینی باغ حیـاتین
گوزیـاشیم آخوب، موجینی آرتوردی فراتین
ایتدیم گوزیمون جامـی کیمـی مشکی لبالب
چخدیم سودان اودلی اورگیمده شرر تب
دل نغمـه سی: دانلود نوحه سنسیز الورم یالان یالان سید حفظ ایله اوزون بو سویی یـارب
مخیمده عطشدن قورویـان لبلره خاطر
گل تک سارالان رنگ علی اصغره خاطر
بیر جنگ و ستیز اولدی کـه تار اولدی فلک لر
ردّ ایتدی تماشایـه حجاباتی مَلَک لر
ماهی کیمـی قان لجّه باتدی اورک لر
ظلماتیده اُرتولدی رخ روشن آفاق
یردن اوجالان گرد، آلوب شمسیدن اشراق
هر لحظه ده شدّت ایلدی موج تنازع
دورمده جفا تیغلری تاپدی تقاطع
افراد ایلدی بیر بیره قتلیمده تتابع
یـاغدوردی اوخی اوستومـه بو اهل تفاخر
باران بلا ایلوری گویـا کـه تقاطر
شاهین کیمـی بال آچماقا من اوج وفاده
دریـا قوشی تک باتدیم او طوفان بلاده
شـهپریلوب، حادث اولوب ضعف قواده
بیر کشتی طوفان زده تک سیندیم اورکدن
ال گیتدی، هامـی قدرتیمـی آلدی بیلکدن
ال خدمتینی قورتاروب آیریلدی بدندن
بیر شاخه ی تردور دیـه سن سیندی سمندن
همراه آپارا ایستمدی روحیده تندن
گوردی گینـه وار کشمکش و جنگه ضرورت
سالمدی سو مشکی اونا لازمدی حراست
بو امری محوّل ایلدی دست یساره
ال ویردی صول ال قدرتیله رشته ی کاره
تیغیله عدو کشتینـه یـاغدوردی شراره
چوخ کیمسه لری تک الیله سالدی نفسدن
تک ال الی کوتاهیدی گرچه هامـی سسدن
بیر بالیله شاهین پر آچوب اوج هماده
انصاف ولیک اولمادی صیّاد قضاده
بیر تیغ ستم اوینادی ناگاه فضاده
ضربیندن اولوبدور صول الیم صاق اله لاحق
یول اوسته دی گوزلور یولیوی لاحق و سابق
دوشدی ایکی ال، شانـه ی دل اولدی سبکبار
قالموبدی ولی منده داخی قدرت پیکار
مصروف ایلدیم همّتی بو همّیده ناچار
سو مشکی مگر حفظ اولا آسیب ستمدن
عبّاس خجل اولمـیا اطفال حرمدن
کسگین قلجیم الیلوب دوشدیردن
شمشاد کیمـی بوش قالوب ال شاخی ثمردن
افسوس علاج اولمادی حسرتلی نظردن
الدن الی بوش بیر اله سوزیله باخدی
یوخ چاره گوروب، اشک روان دامـینـه آخدی
سوزیله دولان نی دل ایتدی وقایـه
یر ویردی اوستونده گلن تیر جفایـه
افسوس سپر اولمادی پیکان جفایـه
بیر اوخ تاپوب ال مشکه، شرر جانیمـه سالدی
قلبیمده اولان طاقت و آرامـیمـی آلدی
حضرت ابوالفضل اعباس علیـه السلام
مرحوم منزوی اردبیلی
او قانلی گوزلریوی آچموسان نیـه قارداش
بلالی قارداشیوا ایتموسن ملالیوی فاش
عیـان ایله منـه دردون بولوم من خسته
عقابیدن یره دوشدون اگر یوزی اوسته
دله گلوب اوزون آگاه ایله بو سرّی منی
گوروم کیم آرخاوون اوستونده دوندروبدی سنی
بدنون آرخاسی اوسته و یـا ترابه دوشوب
او وقته علّتی یوخ توپراقه یوزون بلشوب
یقین اولور منـه بیر آندا رم یینده سمند
یره دوشنده ایـاقون اولوب رکابیده بند
یقین بو ماه جمالون کـه توپراقا بورونوب
نچه قدم قوری یرده او گل یوزون سورونوب
هامـی بولور بونی سن معدن شجاعت سن
آچموسان یوزیمـه اولمـیا خجالت سن
یقین سوسوزلارین حالین گلنده گورموشدون
منیم رقیّه بالاما سو قولی ویرمـیشدون
جنازن اوسته تک گلمـیشم قانا بویـانام
اوتانما گوزلرون آچ گلمـیوب رقیّه بالام
شجاعت حضرت ابالفضل العباس (علیـه السلام)
سیدهادی نوشاد
یـازدی قلم بیرده سوزون،احساسه خاطیر
نشرایلدی سوزبیردل حساسه خاطیر
گلدی بیـانـه سوزلرون،بویـازماقیندان
شرمـه دوشوبدی دشمن خناسه خاطیر
هم شعری عنوان ایلوری شاه بلایـه
هم ده یـازیرشعرون اوپاره یـاسه خاطیر
شرم ایلوری تایـازمـیامطلب سوزوندن
امادیور شعرون امـیرالناسه خاطیر
آری اوتاما یـازقلم هردم سوزوندن
ختم ایله گوهرمدحینی،الماسه خاطیر
یعنی شجاعتدن دنن،غملر پوزولسون
عنوان ایله سن شعریوی عباسه خاطیر
یـاز ای قلم مدح وشجاعتدن مکرر
عنوان ایله شخصیت عباس حیدر
بیرعبدناب اولدی،علی اوغلی ابالفضل
سقاحساب اولدی،علی اوغلی ابالفضل
هرسؤال ایدی،که کیمدی چوخ وفالی
هردم خطاب اولدی، علی اوغلی ابالفضل
آری علمدار اولماقا،دشته بلاده
دوز انتخاب اولدی،علی اوغلی ابالفضل
اوزباشینا،یول گتمـه دی،آلدی ایجازه
جنگه جواب اولدی،علی اووغلی ابالفضل
سوتزگتیر،بوخیرداجا قیزلاره خاطیر
درفکرآب اولدی علی اوغلی ابالفضل
دوشمنلره،یوز ویرمدی،مـیداندا بیرباش
یوم العذاب اولدی،علی اوغلی ابالفضل
مـیداندا چاتدی سسلدی آی قوم کفار
خصمـه سراب اولدی،علی اوغلی ابالفضل
هرکه قورخور،قاچسی بیر یرده دایـانسین
پادر رکاب اولدی،علی اوغلی ابالفضل
دوشدو یولا،نیزه الینده،اشجع الناس
حیدر کیمـین جنگ ایلدی مـیداندا،عباس
سسلندی ای قوم خطاکاروگنـه کار
ای قوم بدکردار و ای قوم ستمکار
من حامـی دین حسین بن علیم
ساتمام یزیده دینیمـی،اولمام هوادار
ایکی جهاندا،اولمـیشام زهرایـه نوکر
ام البنین تک اولموشام،زهرایـه غمخوار
عباس علی اوغلی ابالفضلم بیلون سیز
دینی حمایت ایلرم،اولمام سیزه یـار
آری ابالفضلم, علمداروسپهدار
طوفان کیمـین من ایلرم مـیداندا،پیکار
رخصت اگر ویرسه آقام،جنگ ایلرم من
بیر یرده ئولدورم تمامـه قوم اشرار
وئرمم اجازه،بیرنفراولسا نفس کش
بیردم باخانماز،خیمـیه،بوقوم بدکار
گر دوشسه ده، قولاربدندن،یوخ هراسیم
جنگ ایلرم،تا اوزمانی کـه نفس وار
یوزمـین دنـه،اولسا امان نامـه چوحاضیر
وئرمم حوسینین بیرتوکون دونیـایـه خاطیر
✍ گلچین نغمـه های غم ✍
حضرت علی اصغر علیـه السلام
مرحوم منزوی اردبیلی
چوللرده آهولر ملر ای صود امر آهو سنـه
دریـا قوتارمازدی بیر آز وئرسیدی دشمن سو سنـه
بیر سو کـه وحشی لر ایچه اطفاله یوخ لازم دگل
هر جرعه سی بیر طفل اوچون کافیدی چوخ لازم دگل
سو وئرمورم بیر کلمـه دی اوچ شعبه اوخ لازم دگل
سو ایستدون اوخ یوخ دئدی ای صود امر آهو سنـه
بلبل جهاندا رسمـیدور گلبرگینی خوار ایستمز
عالم اگر گلزار اولا گلشنده بیر خار ایستمز
بیر صود امر ئولدورمگه بیر مرد خونخوار ایستمز
غیظ تمامـیله آتوب اوخ قوّه لی بازو سنـه
ای سو سراقینده گزن سو آختارشمورسان نیـه
آغزوندا چوخ سوز وار سنون بولمم دانشمورسان نیـه
دنیـا سویوندان کوسموسن منله دانشمورسان نیـه
منده یولوب بذل ایلرم تل تل آغارمـیش مو سنـه
افسوس اوغول دیل آچمادون که تا رحمـه گلسون حرمله
یومدون دوداقون دینمدون سالدون ربابی مشکله
قان ورطه سینده ال ایـاق چالدون امـید ساحله
جسمون اولوب فُلک نجات اوز اللرون پارو سنـه
عمّون اجازه وئرسه گر قالّام بو چولده گیتمرم
روز و شب آختارّام سنی تاپسام اگرترک ائتمرم
زلفومله یـارَن باغلارام چوخ سیخمارام اینجیتمرم
کاسه سینده بسلرم خون دلی دارو سنـه
من «منزوی» خلقون سوزون چوخ ایشده حجّت بولمرم
بیر سن دئسن نوکر منـه شاهلیقدا قیمت بولمرم
بو نطقی سن وئردون منـه منکه فصاحت بولمرم
چوللرده آهو لر ملر ای صود امر آهو سنـه
وداع حضرت اباعبدالله الحسین علیـه السلام
سبک زنجیر زنی سه ضرب
مرحوم شـهاب تبریزی
اولوبسان قتله آماده حسین بس نیلسون زینب
سن ئولسن گر بو صحراده حسین بس نیلسون زینب
اَلَست عهدین دگل ممکن بو گون بو چولده سیندیرماخ
بلایـه امتحان وقتی گرگ قلبی دایـاندیرماخ
ولیکن خوردا قیزلاری اولور مشکل اوساندیرماخ
بالالار گلسه فریـاده حسین بس نیلسون زینب
وداع آخِر اعلانی ویرنده سن منـه قارداش
حرملر باش آچوب یکسر گلوبله شیونـه قارداش
آتوب اوز فکریمـی منده بو گون یـانّام سنـه قارداش
دایـانسون گلمـه سن داده حسین بس نیلسون زینب
ملول اولما گوزوم یـاشی حسین آردونجا گر آخسا
نـه من یـانّام بو احواله، یـانار بیگانـه لر باخسا
یِری وار عالمـی آهیم شراری یـاندیروب یـاخسا
شراره دوشسه ایجاده، حسین بس نیلسون زینب
نجه قان آغلاماز سنسیز حسین خونین جگر زینب
سنون تک قارداشی اُلسه دوام ایلر مگر زینب
عزاده ایتمَسون جاری جگر قانین مگر زینب
بو صحرای غم افزاده حسین بس نیلسون زینب
آدیم زینب اولان گوندن منیم بختیم قرا اولدی
آنام زهرا کیمـی عالم منـه ماتم سرا اولدی
جهاندا هانسی بیر عورت منیم تک مبتلا اولدی
بو قدری ظلم و بیداده حسین بس نیلسون زینب
فلک سندن صورا بوللم توکر بو باشیمـه کُللر
اجازه ویر بوغازوندن اُپوم باری من مُضطر
آنام ایلوب وصیّت چون قویـار شمر لعین خنجر
دوشَن ساعت او سوز یـاره حسین بس نیلسون زینب
منـه معلومـیدی قارداش بُلوردوم بو قضایـانی
اودور گُلموب ازل گوندن یوزوم دنیـاده بیر آنی
فراقون گرچه مشکلدور دایـانّام گیت حسین جانی
یِتر هر غم بو ناشاده حسین بس نیلسون زینب
مرامون گرچه بو چولده سنون قارداش شـهادتدور
منـه امّا بو هجرانون قیـامتدن علامتدور
گورنده نیزده باشون منـه مطلق قیـامتدور
قوپار حشریم بو مَاواده حسین بس نیلسون زینب
منی امر ایلسن صبره دایـانّام ای شـه عالم
گلوگیر ایلیوب غصّه اوجالماز بیرده بیر نالم
قیزون ایستَر سنی مندن اودور پژمرده احوالم
گیدنده طاقتی باده حسین بس نیلسون زینب
نـه چاره ایلیوم قویمور محبّت آیریلام سندن
ملول اولما یـانور قلبیم باغشلا، اینجیمـه مندن
دایـان بیر لحظه منظوریم بودور بو داد و شیوندن
سن ئولسن گر بو صحراده حسین بس نیلسون زینب
او گونکه باشوه دوشدی سنون کرب و بلا شوقی
سالوبدور بوینونا زینب او ساعتدن بلا طوقی
ویرنمز امتحان هر باشندا اولماسا شوقی
ئولونجه گلمـه سن داده، حسین بس نیلسون زینب
✍ گلچین نغمـه های غم ✍*
:
حضرت زهرا سلام الله علیـها
احد عدلجو غازانی ( تبریزی )
زینب ای فاطمـه نون بنزری سیماده قیزیم
منـه حسرتله باخوب گَلمـه بیله داده قیزیم
توکمـه گوزیـاشیوی قربان او گوزل گوزلریوه
اوتی باهم دانیشاق مشتریم سوزلریوه
حیف اولا قارخمور الیم شانـه وورام تِللریوه
قنفذون قمچیسی ایلوب منی افتاده قیزیم
گَۀ قیزیم آغلاما سنسن آناوین نائبه سی
من اُلندن صورا سنسن بو ایوین فاطمـه سی
سن بو گوندن اولاجاقسان ننـه سیزلر ننـه سی
اوزیوی ایت آنا اولماقلیقا آماده قیزیم
سن منیم جانشینیم نام و نشانیم بالاسان
آناوین ایمدی گرک اُلسه یرین سن آلاسان
ایش بیله دوشدی قیزیم سنده آناسیز قالاسان
آغلاما گَلمـه بیله ناله و فریـاده قیزیم
بیرده مندن صورا بو ایو دونی بین الحزنـه
ویر تسلّی بو چتین وقته شـه ممتحنـه
آنالیق ایله اوزون مظلوم حسین و حسنـه
من اَُلندن صورا قویما گَله لر داده قیزیم
آناوین ساغر آمالی قیزیم دولمـیه جاق
هیچ گلستاندا منیم تک گُل آچوب سولمـیه جاق
بُلورم مجلس ترحیمـه گَلن اولمـیه جاق
سن اوزون اوخشا منـه بیت غم افزاده قیزیم
قویما مندن صورا قلبین آتاوین غملر آلا
آخشام اولجاق چراغین یـاندور ایوینی نازلی بالا
یـاری الدن گیدنی قویما قرانلوقدا قالا
تسلیت ویر آتاوا بو غم عُظماده قیزیم
هله صاقدور بو آنان ایمدیدن آز ایله ملال
بوینی چیگنینده گَزوب آز منیم آرامـیمـی آل
آغلاما گَل بالاجا اللریوی بوینوما سال
خرمن صبریوی ویرمـه بو قدر باده قیزیم
منـه هله اُلمـه مـیشم توکمـه بیله گوزیـاشیوی
سیل گوزون، آغلیوب آغلاتما حسین قارداشیوی
گَل قیزیم قوی یـارالی سینمـین اوسته باشیوی
اُلمـه مـیش یـات بو گئجه ی زهراده قیزیم
منیم اُلماقلیقیما ایلمـه چوخ سوز و گداز
آناوین تقدیر یـازوب عمرینی آز
بیله فکر ایله آنان چوخدان اُلوب ای گُل ناز
یورما چوخ اوز اوزیوی گَلمـه بیله داده قیزیم
یوخدی بو فانی جهاندا اُلومـه چاره یـازان
یـارانان اُلمـه لیدی آغلاما ای جانیمـه جان
ایمدیده اُلمـه سه بیر گون اُله جاقدور بو آنان
چاتمـیوب هیچ کیم اوز آمالینـه دنیـاده قیزیم
من بو ایوده غم الیندن بالا دویدوم جانـه
دفتر عمریمـی ویردیم غمـیله پایـانـه
نـه حنا زلفیمـه قویدوم نـه ده ووردیم شانـه
شانـه وورسان تِلیوه سال منیده یـاده قیزیم
سنـه بو ایوده قیزیم گُلی باغلامادیم
طوی گونونده آنالار تک بوییوی اوخشامادیم
نسگل اولدی سنی من بخت ایوینـه یولّامادیم
حسرتیم قالدی اُلونجه بو تمنّاده قیزیم
مطلع شعری دیوبدور منـه بیر شخص جمـیل
اوزی مدّاح حسیندور، آدی مـیرابی جلیل
اودی بو نوحه لرین یـازماقنا اصل دلیل
عدلجونی گَتیروب شوره او آزاده، قیزیم
وداع حضرت علی اکبر عليه السلام
سبک : تک ضرب زنجیر زنی
مرحوم یحیوی
گل اوتور خیمـه ده اکبر باشوا من دولانیم
فرش ایدوم تپراقا معجر باشوا من دولانیم
آناقربان گوزوه باخ آناون عَرضه
بش دقیقه بو غر یبون گل اوغول خیمـه
پر وروم یـانماقچون شمع رخون سایـه
مثل پروانـه مکرر باشوا من دولانیم
مـه جمالونده کـه خالی بوریوب موی سرون
خوش دگل ابر سیـه اوستونـه دوشسه قمرون
ساغ یوزوندن آیروم صول یوزوه طرره لرون
هاشمـی خالوی گوستر باشوا من دولانیم
من سنی یولیورام دشت مناده ئوله سن
سالاسان لیلی بیچاره نی چولدن چوله سن
نـه سن اسماعیل اولارسان گئده سن ساغ گله سن
نـه ده لیلی اولور هاجر باشوامن دولانیم
ای منیم آرخام ائلیم شان و جلالیم کومگیم
گور نجه رعشیـه دوشمش بدنیم جان و رگیم
دیزلریم عضولریم بیرده قان اولموش اورگیم
قوری یـاپراق کیمـی تترر باشوا من دولانیم
من بویوتدوم سنی اوز جانیملن قانیملن
هاجره فخر ایدورم سن کیمـی قربانیملن
قوی ووروم کاکلوه شانـه بو مژگانیملن
یـاشیلا سپوم عنبر باشوا من دولانیم
تار مویوندن آییر سینمـه پیرایـه وئریم
یـا ئولندن صورا تحفه اونی زهرایـه وئریم
یـا نشانون آپاریم یثربه صغرایـه وئریم
بینوادور سنی گوزلر یـاشوا من دولانیم
باشدان عمامـه گوتورنوروی تابنده ایله
سر گورونوب آی گونی شرمنده ایله
جلوه ی حسنله ئولموش اورگیم زنده ایله
دگمـه مـیش باشوا خنجر باشوا من دولانیم
منـه آلتی باخوب آغلاما یـاندیرما منی
دوشیوم قوی قدمون آلتدا بویـانمـیش نی
گاهوارونده اوشاق وقتی یـاتیرداندا سنی
گیجه لر ائتمـیشم ازبر باشوا من دولانیم
خنجرو نیزه نـه لازم سنـه ای تازه جوان
حسدیندن ئولوراول ابروی مژگانـه باخان
کیپریگون نیزه سنون مردم چشمون اوخ آتان
قاشلارون تیغ دو پیکر باشوا من دولانیم
من غریبم نـه پناهیم وار امـیدیم نـهیم
سسیمـه سس ویري کیملر علی غیر از نفسیم
سندن اوزگه بیلورم یوخدی منیم دادرسیم
نـه آتام وار نـه برادر باشوا من دولانیم
✍ گلچین نغمـه های غم ✍
حضرت علی اصغر علیـه السلام
: زبانحال حضرت رباب(س)درشام غریبان
استادهادی اردبیلی
سبک:شده آسمان خیمـهٔ غم«مـیثم مطیعی»
اوغول سینم آچدی لالاگل
سالورغصه حالدان حالاگل
صودوم قاچدی کوسدون ننوندن
صوده گلدی سینم بالاگل
سینم یـانوراودلارایچره یـانان خیمـه لرتک
صودیـاندیرارمش آنا سین بیرشررتک
بالام هارداسان گل۲
دیلون تک قولون باغلی عطشان
هاراگئتدون آی خسته جیران
گونوزدن گوزوم یول گوزتلور
دئمورسن ننم قالدی ویلان
عشقون گلی آی گوزل داغلی سینمده سولماز
بللم کوسوبسن داریخدیم بئله کوسمگ اولماز
بالام هارداسان گل
ئوزون مقصده سن چاتوبسان
گوزوندن جهانی آتوبسان
دونن صبح اولونجاچالشدون
بوگجه نـه راحت یـاتوبسان
آخرگئدیشده آنوندان کوسوب غملی گئتدون
گهواروی بوش قویوب تپراقی بسترائتدون
بالام هارداسان گل
آناگوزدن اوغلون آتانماز
جهان قیمت اولساساتانماز
آناآیری دوشسه بالادان
ملرصبح اولونجاق یـاتانماز
پروازخونین ائدوبسن سنـه ال چاتانمور
سنسیزآنون ال ئورکده چالیخلوریـاتانمور
بالام هارداسان گل
دونن کـه گجه ای گُل غم
سحرایلدون منله باهم
چالوردوم سینم اوسته لایلای
قالوب بوگجه خالی سینم
هئچ بیردئمورسن آنام بوگجه هارداقالدی
هئچ بیردئمورسن فراقیم اونی درده سالدی
بالام هارداسان گل
دوشوب یـادیمـه غملی چاقون
سولان صورتون گل دوداقون
گوزوم یـاشی اللردعاده
دوتوم ایندی هاردان سراقون
آواره بیرباغبانم ایـاتشنـه سوسن
اوخ سالدی طوفان سو اوسته ایتوردوم سنی من
بالام هارداسان گل
بوگجه سن ای غم مارالی
قالوبسان آنوندان آرالی
سو اوستونده قانـه بویـاندون
یـاتوبسان یـارالی یـارالی
بیریول دئمورسن بوچولده آدامسیزآنام وار
اللرئورکده باخوریوللاراگوزلرآغلار
بالام هارداسان گل
بوتزلیکده آی غنچه سولما
سوآزاداولوبدورپوزولما
صودوم وارنیـه گلمـیورسن
قولون باغلادیم کوسدون اولما
گلسون الون باغلیوب قلبوی داغلامارام
سینمده یـارسون بالااللرون باغلامارام
بالام هارداسان گل
صفایوخ چمنده باهاردا
قناریم قالوب لاله زاردا
ئورگیم سینوب سندن اوغلوم
دئمورسن ننم قالدی هاردا
گوزدن پریشان ننوی علی جان آتوبسان
لایلای چالوب اوچ پراوخ گوزیوموبسان یـاتوبسان
بالام هارداسان گل
منـه سس وئراوغلوم سوزوم وار
نـه صبریم نـه دلده دوزوم وار
گوزون یـاشی تک سالماگوزدن
گوزل گوزلرونده گوزوم وار
اشگیم آخاندامنـه گوگده اولدوزلارآغلار
اولدوزلارآغلاریـانان خیمـه ده قیزلارآغلار
بالام هارداسان گل
ئوزون هاردا قالدون ای آغلار
اسر یل سنون تک نی آغلار
قوشوب ناله سین نیستانـه
آنون ده ال هی آغلار
هرسس کـه قالخوربوچولده اوغول غمفزادور
تک بویـانان خیمـه یوخ چول سراسرعزادور
بالام هارداسان گل
ویراردل فراقونده پرپر
چالورسان ئوزون سانکی شـهپر
آچلسائورک اوستی باخسون
یـانان خیمـیه بنذر
خیمـه گونوزیـاندی سوندی قالوب نصفی الان
سینمده سونموب گونوزدن قالوب نارسوزان
بالام هارداسان گل
گولوندن گولین اهلی دونمز
محبت گوزیلن گورنمز
سونرهریـاناشعله دوشسه
ئورکدن دوتان شعله سونمز
بیراوتدی بو اوت توکوب قلب زاریمـه پیکان
خیمـه سرا تک یـانوب داغلی قلب اولدی ویران
بالام هارداسان گل
حضرت رقیـه سلام الله علیـها
مرحوم عبد الرّحیم شباهنگ متخلّص بـه هندی
بو خرابه شامـیده عمّه جان گجه گوندوز اوخشارام آغلارام
نـه قدر واریمدی بو جاندا جان گجه گوندوز اوخشارام آغلارام
منی آیریلوق غمـی نی کیمـی گتیروبدی درده خرابه ده
هر او اولا منـه هم نفس یـانار آه سرده خرابه ده
نجه من بو سرّه کـه فاش اولور چکوم عمّه پرده خرابه ده
اودی کـه عیـان و گهی نـهان گجه گوندوز اوخشارام آغلارام
گوروسن کـه تیر بلا منیم نجه سیندیروب پر و بالیمـی
ندور احتیـاجی بیـان ایدوم غم و درد و رنج و ملالیمـی
اوزون اهل حال سن عمّه جان سنـه منده صورت حالیمـی
ایدرم سرشکیمـیلن بیـان گجه گوندوز اوخشارام آغلارام
من او بلبلم کـه سولار گلی اولور عمّه جان چمن آیریسی
منی تندباد فراق ایدوب نجه سرو گل بدن آیریسی
بیله رسمـیدور کـه ویرینجه جان گرک آغلاسون وطن آیریسی
اودی وجهی عمّه ی مـهربان گجه گوندوز اوخشارام آغلارام
من او عاشقم کـه زمانـه نین هامـی ناز نعمتین آتموشام
هم آتام عموم همـی قارداشیم اُلوب ایمدی یـا باتموشام
نچه وقتیدور گه من آج سوسوز گجه لر خرابه ده یـاتموشام
منـه چون خرابه اولوب مکان گجه گوندوز اوخشارام آغلارام
هانی بیر یتیمـه منیم کیمـین اولا نیلی سیلی ایله یوزی
یوزینـه باخاندا آتاسینون دوشـه قان دوتان گوزینـه گوزی
قولی باغلی، غیر شماتتی، آتا مرگی، جان غمـی، ایل سوزی
ایلیوبدی باغریمـی غصّه قان گجه گوندوز اوخشارام آغلارام
منی چوخ بو پایـه دن اینجیدن نـه غل و دوشاخه دی نـه رسن
منـه چوخ گراندی بو بیر جفا کـه شماتت ایلوری هر گلن
گر اُلوب بابام گیدوب عزّتیم گینـه شاهزادیم عمّه من
دوزه بولمرم اودی بیر زمان گجه گوندوز اوخشارام آغلارام
سنـه شرح درد فراقیدن نـه دیوم کـه بیر دگی محنتیم
بو اسیرلیق بو یتیم لیق بو خرابه کنجی بو غربتیم
باش آچوخ گونش قوری یر یریم بو جفای شمر بو ذلّتیم
نـه باش اوسته سقف نـه سایـه بان گجه گوندوز اوخشارام آغلارام
نـه روادی کینـه ی شم سارالوب خران گلی تک اسم
نـه روادی الدن آتام گیده گوزیمـی یولوندان اونونم
گورورم کـه یوخ داخی بیریم بو دیـار شامـیده بیم
اولی گریـه مونس بیـان گجه گوندوز اوخشارام آغلارام
دوزرم بو جسم ضعیفیله هامـی درد و محنت و رنجه من
قوری یرده فرش و چراغسیز چکرم همـیشـه شکنجه من
بو اوشاقلیقیمدا دایـانموشام گینـه درد و محنت و رنجه من
دایـانانمارام داخی عمّه جان گجه گوندوز اوخشارام آغلارام
یوخودا گوروب بابامـی دیدیم اونا عرض حالیمـی بیر بـه بیر
که بابا گوزوندن ایراق سنون بیزه ویردیلر قوری یرده یر
باشیما چکوب الینی دیدی دی سکینـه دردیوی بیر بـه بیر
دیدیم ای بابا بودی بیر نشان گجه گوندوز اوخشارام آغلارام
منـه سویلدی کـه سکینـه جان نجه اولدی دردیله سازشون
دیدیم اولدی قوّت دل منـه او جِدا باشیندا نوازشون
دیدی یوخ خرابه ده چون باشیم گجه صبحه تک ندی بس ایشون
دیدیم هر زمان ایدرم فغان گجه گوندوز اوخشارام آغلارام
دیدی کیم چکوب بالا زحمتون سنـه کیم مواظبت ایلدی
دیدیم اول بلاکش اولان بیبیم منـه چوخ ملاطفت ایلدی
دیدی همزبان سنـه کیم اولوب بالا چوخ ملایمت ایلدی
دیدیم اولدی غم منـه همزبان گجه گوندوز اوخشارام آغلارام
داخی یـاتمـیون کـه بابام گلوب ایلیوب بو یرده مکان دورون
بو قرانلوق ایوده کـه لایقی هامـی شمع آهوزی یـاندورون
او چراغیلن من بیی بو خرابه ایچره دولاندورون
بابام اولماسا منـه مـیهمان گجه گوندوز اوخشارام آغلارام
بو طریق عشقیده «هندیـا» ایله سیر قلب سلیمـیلن
تانی بیر حسینی بو دوره ده نـه ایشون خلیل و کلیم لَن
اگر ایسته سن کـه شفاعتون اولا سر ذبح عظیمـیلن
دی سکینـه سویلدی عمّه جان گجه گوندوز اوخشارام آغلارام
راه شام
مرحوم انور اردبیلی
غروب اولاندا گیدر قلبیدن قراری یتیمون
قرا گیینده هوا قالماز اختیـاری یتیمون
شفق رنگ طلایی گییر لباس شبانـه
توکر سرشگی ایکی چشم اشگباری یتیمون
هزار هزاریـه نسگل اولور سرود عزاسی
هزار درده دونر دردی از هزاری یتیمون
ائدر یول اوستونی دیواریلر کنارینی ماوا
گر اولماسا ایوی آرتیق اولار فشاری یتیمون
ساتار گلیب گیدنـه درون اشگینی آلان اولماز
عیـا کم اولار درون پر عیـاری یتیمون
گوتورور عکسینی عکاس عالم ملکوت
پوزار ملکلریده غملی یـادگاری یتیمون
یوخوسی گلسه قولون بالش ایلیب گیدر هوشـه
دوشر نظردن ایکی نرگس خماری یتیمون
دارار قرا تللینیلای دییر قره یللر
یئل اسدیقیجا گیدر طره دن غباری یتیمون
اوجا سسی ائشیدر دیسگینر دورار یوخوسوندان
ئورکده وحشتی آرتار بلا دچاری یتیمون
گینـه ده اوغلان اوشاقی اولا نـه غصه سی واردور
دوزر بلایـه اولار غمله سازگاری یتیمون
آتاسی ئولسه اوغولدان قیزا موثر اولار چوخ
آنا باجینی کباب ایلر آه و زاری یتیمون
دوشر نـه حاله بو قیز ساربان قویوب گیده چولده
اوزه الیندن الین بوش قالا کناری یتیمون
گوزون آچوب یوخودان پهن دشته ائتدی نظاره
گوروبدی کوچ ائلیوب مقصده قطاری یتیمون
اگر چه آج سوسوزیدی غذاده چیخدی یـادیندان
مدار غصه ده تنگه دوشوب مداری یتیمون
صاقا صولا نچه یول سسلدی قاچدی
دیدی هایـانداسان ای غم گونونده یـاری یتیمون
س اولمادی سس ئوز سسین ایشیتدی او چولده
ئوزون یوروب آزالیب قدرت فراریـا یتیمون
قدم آتیب بو قیزون نیش خار ایـاقینی ئوپدی
اورک قانی ایـاقیندان اولوبدی جاری یتیمون
کسیلدی چاره او یورقون بالا یول اوسته اوتوردی
دوشوب خیـالینـه ئوز شـهری ئوز دیـاری یتیمون
گویول قوشی پر آچوب اکبرین اتاقینـه گیتدی
گوروبدی اوردا دگول قاره نگاری یتیمون
کمال یـاأسیله یوز دوندریبدی راه دمشقه
دیدی گیدیب بو یولی شامـه غمگساری یتیمون
هایـانداسان علی ایستکلین اولدی چوللر اسیری
نـه قورخولی یئره گل گور دوشوب گذاری یتیمون
آتام بابام کیمـی سنده علی یتیمـه نواز اول
محبته واریدی سندن انتظاری یتیمون
بیبی لریمـه گلایـه ایله منیم مدن
آزالدی تئز نـه سببدن گور اعتباری یتیمون
اوزوم یوخودان اویـاندیم نـه چاره بختیم اویـانمور
اویـانسادا دی گوروم بختینون نگاری یتیمون
اثر ایدیبدی سوزی پهلو شکسته فاطمـیه
پوزوبدی حالتینی حال انکساری یتیمون
گلوب بو خیردا قیزون باشینی دیز اوستونـه آلدی
اوپوبدی لبلرینی مادر کباری یتیمون
جمالینـه توکولن تللرین اویـان بویـان ایتدی
مجسم اولدی نظرده صولان عذاری یتیمون
دچار ثانی اولوبسان بویوک ننـه ن کیمـی سنده
اونا چتین یتیشـه تیره روزگاری یتیمون
گوزوندن اشگیوی سیلم بو چولده همدمـین اولام
دورم قالا تنـها سینا وقاری یتیمون
بالا داریخما شامـه گیدنلر گلر سراغیوه الان
که چوخدی غافله ده یـار هوشیـاری یتیمون
بو خردا قیز او خانوم عورتین ائشیتدی کلامـین
دیدی گمان ایدیرم آرتدی افتخاری یتیمون
بی بیم کیمـی بوخانیم دم بدم اوپور دوداقیمدان
ایکی گوزوندن ایدیر اشگین نثاری یتیمون
بهشت عطری گلور حوریدی گلوبدی بودشته
ملکدی یـا کی گلوب اولدی یـار و کاری یتیمون
اگر بو حور و ملکدور نیـه قرا گییونوب
عجیب غصه لیدور مونس فکاری یتیمون
غریب آتامون آدین ازبر ایلیوبدی دیلینده
چوخ آشنادی بونا باب تاجداری یتیمون
گوزلدی گوزلری عینا بی بیمـه بنذری واردور
باخاندا گوزلرینـه قالمور اختیـاری یتیمون
اولما مدینـه اهلیدی اولما دوشوب گذاری بوچولده
عجب کمک یتیروب آفریدگاری یتیمون
تانیمورام ولی بو دیندیریر منی ئوز آدیملا
نـه غصه سی وار اولا بیله غصه خواری یتیمون
اورکلنوب دیدی بیردن خانیم گلورسن هایـاندان
فدا بو گوزلریوه قلب پر شراری یتیمون
سنون بو یـاخشیلیقون لازم هدیـه دی نیلوم
نـه واردی قولباقی نـه واردی گوشواری یتیمون
بیزیم قبیله مـیز اهلی سخادی ایش بیله دوشدی
اولان بو یـاشیدور یوخدی آیری واری یتیمون
من آغلورام بابامـین باشینی ووروبلا جدایـه
آتاسی ئولسه اولار اوخشاما شعاری یتیمون
سنون ئولوبدی کیمون آهون اوستن آه چکیرسن
باخور سنـه چوخالور درد بیشماری یتیمون
نفسون اوتلیدی قدین خمـیده ساچلارین آغدی
قرا گونون قره ائتمـه بـه حق تاری یتیمون
جواب وئردی منـه فاطمـه دییللر عزیزیم
شریک محنتیوم جداً آری آری یتیمون
بالام ح جگر گوشـه سن بویوک ننووم من
منـه موثر اولار بزم سوگواری یتیمون
[گلچین نغمـه های غم5 - ebadiesmaeil46.blogfa.com دانلود نوحه سنسیز الورم یالان یالان سید]
نویسنده و منبع | تاریخ انتشار: Sun, 11 Nov 2018 00:25:00 +0000